Dieta me Vezë

Dieta me Vezë është dietë me pak karbohidrate dhe kalori, por e rëndë në proteinë. Është e projektuar të ndihmojë në humbje peshe pa sakrifikuar proteinën e duhur për ndërtim muskujsh. Ashtu si sugjeron emri i saj, theks të veçantë pra ka konsumimin e vezëve si burim kryesor i proteinës.

Dieta me Vezë ka versione të shumta, por në secilin version të saj ju mundeni të pini vetëm ujë apo lëngje me zero kalori. Ushqimet me shumë karbohidrate dhe sheqernat natyrale, si shumica e frutave dhe bukëve, pastave dhe orizi eliminohen nga dieta, dietë e cila zakonisht zgjat 14 ditë. Gjatë kësaj diete me vezë ju hani tre herë në ditë, mëngjes, drekë dhe darkë. Përveç pirjes së ujit dhe lëngjeve me zero kalori, nuk ka ngrënie tjetër gjatë ditës.

Dieta me Veze – Plan ushqimi

Përderisa ka versione të ndryshme të dietës me vezë, ato kryesisht kryejnë të njëjtin funksion. Do filloni çdo ditë me vezë dhe do vazhdoni të hani porcione të vogla me proteinë gjatë gjithë ditës.

Proteina e pastër përfshin:

  • Vezë
  • mish pule
  • mish qure
  • peshk

Frutat dhe perimet që mund t’i hash janë:

  • grejpefruiti
  • brokoli
  • shparg
  • zucchini – kungull i njomë
  • kërpudha
  • spinaq

Në versionin tradicional të dietës me vezë në çdo vakt ju do hani vezë apo ndonjë ushqim tjetër me proteinë si mish pule apo peshk. Grejpfruti dhe perimet me pak kalori konsumohen në mëngjes dhe darkë.

Një plan shembulli do përfshinte:

  • Mëngjesi: 2 vezë të ziera dhe 1 grejpfrut, apo omlet me 2 vezë me spinaq dhe kërpudha
  • Dreka: 1/2 gjoks pule të pjekur me brokoli
  • Darka: 1 peshk i serviur me sallatë jeshile

Një version tjetër i dietës me vezë është e ashtuquajtura dieta me vezë dhe grejpfrut, gjatë së cilës ju do hani një gjysmë grejpfruti gjatë secilit vakt ushqimi.

Një shembull plan ushqimi do përfshinte:

  • Mëngjesi: 2 vezë të ziera me gjysmë (1/2) grejpfrut
  • Dreka: 1/2 gjoks pule të pjekur me brokoli dhe 1/2 grejpfrut
  • Darka: 1 servim me peshk dhe 1/2 grejpfrut

Versioni final i dietës me vezë, që është pak e pazakontë, është versioni “ekstrem” i detës me vezë. Në këtë version, njerëzit hanë vetëm vezë të ziera fort dhe pinë ujë për 14 ditë. Dieta nuk rekomandohet, sepse është mjaft jo e balancuar dhe mund të shkaktoj mos ushqyeshmëri (mungesë materieve të domosdoshme ushqimore).

Efektet anësore të dietës me vezë

Dieta me Vezë – efektet anësore

Efekti anësor më i zakonshëm i kësaj diete me vezë është mungesa e energjisë që shumë njerëz ndjejnë nga mungesa e karbohidrateve. Kjo e bën të vështirë.

Ndryshimi befas në dietë me shumë proteinë, por pak karbohidrate mundet gjithashtu të jetë i vështirë edhe për sistemin e tretjes që t’i përshtatet. Si rezultat i këtij ndryshimi të befasishëm, nga kjo dietë mund të përjetoni përzierje (ndjenjë vjellje), kapsllëk, gazra stomaku dhe keni erë të keqe të gojës (era e keqe e gojes).

Vezët gjithashtu janë përplot me kolesterinë (186 gram) apo 63% e vlerës së rekomanduar ditore. Sidoqoftë, hulumtimet e fundit tregojnë se nuk është kolesterina që gjendet në ushqime ajo që duhet të brengoseni për shëndetin tuaj, por trans-yndyrat dhe yndyrat e ngopura.

Një studim i 2015 raporton se njerëzit që konsumonin më shumë se 6 vezë në ditë kishin 30% më shumë rrezik të dështimit të zemrës. Ata gjithashtu kishin më shumë rrezik të sulmit në tru. Të hash 6 vezë apo më pak në javë nuk kishte ndonjë ndryshim si tek burrat ashtu edhe gratë në shtim të rrezikut ndaj sulmit hemoragjik në tru, infarktit miokardiak dhe dështim të zemrës.

Për shkak që vezët nuk kanë fibër, ju duhet të keni kujdes të pëfshini ushqime tjera që kanë sadopak sasi fibre. Kështu nuk do ta përkeqësoni përkohësisht funksionin e levizjeve të zorrëve apo lë të uritur bakteret e shëndetshme të zorrëve.

Për shkak se kjo lloj diete nuk është që mund të mbahet gjatë, shumë njerëz i kthehen veseve të vjetra të të ushqyerit menjëherë pas përfundimit të dietës me vezë dhe si pasojë ka gjasa të kthejnë peshën që kanë humbur e ndoshta të shtojnë edhe më shumë.

A është kjo dietë e sigurtë?

Konsensusi i përgjithshëm i komuniteteve mjekësore është se kjo dietë (dieta me veze) nuk është nga ato të sigurtat për të humbur peshë.

Nëse po bën njërën nga versionet e dietës me vezë, kaloritë tuaja do të arrijnë ndër 1000 në ditë. Sipas Harvard Medical School, është e pasigurtë për gratë që të konsumojnë më pak se 1200 kalori në ditë dhe 1500 për burra përveç nëse janë nën mbikqyrje të profesionistit mjekësor.

Të hash 7 vezë në javë apo edhe më shumë, sipas disa studimeve duket të jetë pa ndonjë pasojë për popullatën, pa ndonjë efekt të dukshëm në rrezikun kardiovaskular. Një studim i 2015 konformon se edhe disa njerëz me diabet mund të hanë vezë më lirshëm se sa është besuar më herët, deri në 12 në javë, pa përkeqësuar nivelet e kolesterinës apo kontrollin e sheqerit në gjak.

Ndërsa, sipas një studimi tjetër, një dietë me pak karbohidrate dhe me shumë proteina mund të asociohet me rrezik të shtuar të sëmundjes kardiovaskulare. Disavantazhi i këtij studimi është se nuk ka kontrolluar apo theksuar llojin e karbohidrateve apo burimin e proteinës, diçka që dukshëm mund të ketë ndikuar në rezultatin e këtij studimit.

Të konsumosh fibër të mjaftueshme çdo ditë është e domosdoshme në ushqyerjen e baktereve të zorrëve. Duke marrë parasysh se fibra kryesisht gjendet në fruta, perime, bimë bishtajore (bathë), arrore, fara dhe drithëra të plota, dieta me veze mund të komplikoj punët tek ata që edhe ashtu konsumojnë sasi të pamjaftueshme të fibrës gjatë ditës, e këtu bëjnë pjesë shumica.

Mbani mend

Çdo dietë ekstreme që është e projektuar që t’iu ndihmojë të humbni shpejt peshë mund të funksionojë nëse i përmbaheni. Por, këto dieta normalisht vijnë me pasoja jo të mira shëndetësore. Dieta me veze nuk mbahet lehtë, dhe shumica e atyre që e bëjnë prapë e shtojnë peshën po aq shpejt sa i kthehen dietës normale. Më efektive është të shtoni ushtrimet dhe të zgjedhni ushqime të balancuara mirë që kufizojnë kaloritë, ushqimet me shumë sheqerna dhe ato të procesuara.

burimi: sherohu.com