Flet Dritan Prifti. “Ke kam pergjuar dhe kush me ka pergjuar. Ne pranvere do te kemi zgjedhje te parakohshme”

Lidhur me artikullin:

Ne nje rrefim ndryshe, ish-ministri dhe ish-deputeti i LSI-se, Dritan Prifti

Gjate intervistes se dhene per gazetarin Çim Peka, Prifti flet per doreheqjen e ministrit te Drejtesise Nasip Naço, raportet e Metes dhe Ramen, dosjet e pretenduara qe ka kryeministri per Ilir Meten, a ka video te tjera Prifti, apo dhe çeshtje te tjera te politikes se dites.
Çim Peka: Zoti Prifti pershendetje. Dje ministri i Drejtesise, ose me sakte tashme ish-ministri i Drejtesise, Nasip Naço i ka paraqitur doreheqjen zotit Rama, nje doreheqje e papritur, megjithese ne e kishim njoftuar kohe me pare, kur zoti Rama e vizitoi zyren e Ilir Metes, pas kthimit te tij nga Amerika. Ju keni qene Minister i Levizjes Socialiste per Integrim, keni qene nje nga njerezit me te afert te Ilir Metes, te pakten une jam deshmitar per kete. Ju jeni detyruar apo keni dhene doreheqjen pas videos se famshme Meta-Prifti. Duke qene se jeni nje njohes i mire i kesaj partie keni dale prej kesaj partie, zoti Prifti ne gjykimin tend çfare ka ndodhur me Nasip Naçon, eshte nje doreheqje vullnetare, eshte nje krisje ndermjet tij dhe Ilir Metes, apo eshte nje loje apo shantazh politik i Ilir Metes ndaj Edi Rames?

Dritan Prifti: Mund te jene shume arsye bashke, qe solli ngjarjet e dites se djeshme, pra doreheqjen e Ministrit te drejtesise zotit Naço. Por nese do te veçoja arsyet kryesore, ajo nuk ka te beje shume me zotin Naço. Ka te beje me nje poshterim qe Ilir Meta i ben kryeministrit te vendit zotit Rama. Pasi i ka kerkuar per muaj te tere ndryshime ne qeveri nepermjet impulsive te reja qe i kerkonte, mbasi i ka kerkuar doreheqjen e ministrit te Brendshem pasi ajo ka qene kryesisht molla e sherrit, qe zoti Meta ka pas me zotin Rama. Dhe mbase zoti Rama ne menyre te prere i ka thene qe nuk do te kete ndryshime ne qeveri, atehere zoti Meta ndermend nje taktike qe ai e ka pesuar ne vitin 2001, nje taktike qe e perdori Fatos Nano dhe Sali Berisha atehere ne parlament per ndryshimet ne qeveri nese e mban e mbani mend ne vitin 20101, ku njerezit e zotit Nano u larguan nga parlamenti, dhe zoti Meta nuk kishte kuorumin e nevojshem per te emeruar ministrat e rinj.

Çim Peka: Ju po thoni qe zoti meta i bere Edi Rames dje, ate qe i beri zoti Nano zotit Meta ne vitin 2001, duke mos i votuar ministrat e Metes pas terheqjes se njerezve te Nanos. Pra ju po thoni se kjo doreheqje nuk ka te beje me zotin Naço, por eshte nje sherbim qe zoti Naço po i ben zotit Meta ne menyre qe ky i fundit te shantazhonte kryeministrin Edi Rama?

Dritan Prifti: Jo ky nuk eshte nje sherbim, zoti Naço nuk eshte pjese e kesaj loje. Nuk eshte nje sherbim qe ai po i ben zotit Meta. Zoti Meta ka mese nje muaj qe kishte vendosur per ta larguar ate nga qeveria, ja ka thene dhe zotit Rama, se do ta largoje Naçon nga qeveria. Dhe zoti Naço eshte shprehur ne rrethin e ngushte se ai do te largohet nga qeverisa, sepse Meta ka vendosur ta largoje ate nga qeveria. Pra zoti Naço nuk eshte pjese e kesaj loje, thjeshte Meta e kishte vendosur qe ai te largohej, per te sjelle aty nje njeri i cili e nervozon Edi Ramen vetem duke e pare ne fytyre, pra per te sjelle Ylli Manjanin. Dhe per te sjelle nje person i cili eshte realisht kamikaz i zotit Meta. Zoti Naço ka pas dinjitetin e vet, ka pas personalitetin e vet, ka pas bashkepunimin e vet me Edi Ramen, gje e cila i shkaktonte Ilir Metes nje lloj xhelozie nje lloj pakenaqesie te brendshme qe nje minister i LSI-se bashkepunonte me kryeministrin dhe me te tjeret, jo gjithmone nepermjet Ilir Metes. Pra ai ka pas arsyet e tij egoiste te brendshme qe nje minister po sillej ne menyre profesionale me kryeministrin duke mos kaluar gjithmone nga zyra e tij. Zoti Naço nuk ka pasur konflikte te drejtperdrejta me zotin Meta. Çfare i ka kerkuar Meta Naços, Naço gjithmone e ka bere. Une mund tu them qe per rikonstruksionin e burgut 313, nepermjet nje firme e ben daja i Ilir Metes, daja i drejtperdrejte daja i nene se tij. Pra zoti Naço sa here ka qene e nevojshme qe ti hapi rruge Metes per te fituar leket e veta, ja ka hapur rrugen e tij. Pra ajo ka qene thjeshte nje xhelozi, nje pakenaqesi e Metes, te cilit i krijohen krejt papritur keto nga gjendja e tij emocionale gjithmone jo stabel dhe zoti Naço ishte kurbani i radhes, por nuk eshte pjese e kesaj skeme zoti Naço, nuk besoj.

Çim Peka: Nuk ishte pjese e skemes, por a kishte mundesi reale Nasip Naço ne keto kushte ku ndodhet Ilir Meta ta refuzonte nje doreheqje te tille?

Dritan Prifti: Jo nuk ka asnje mundesi, sepse Ilir Meta mblidhte sot kryesine, vendoste shkarkimin e tij, i kerkonte kryeministrit si pjese e koalicionit largimin e ministrit, dhe Naço nuk kishte fare asnje lloj mundesie qe te thoshte nuk e pranoj. Mund te te mos e pranonte zoti Rama, por zoti Naço nuk kishte asnje mundesi.

Çim Peka: Po i kthehem pak doreheqjes tuaj apo largimit tuaj dhe doreheqjes se zotit Naço. A ka ngjashmeri largimi i Dritan priftit si minister i Ekonomise, si minister i LSI-se me largimin e Nasip Naços si Minister i Drejtesise serish si Minister i LSI-se?

Dritan Prifti: Ne qofte se do behet nje analize e thelle mund te gjesh dhe pika ngjashmerie. Pra ne motivet qe e hoqen Dritan Priftin dhe ne motivet qe e hoqen Nasip Naçon ose ne gjendjen emocionale te Ilir Metes. Ne te dyja rastet mund te gjesh ngjashmeri, por reaklisht nuk jane. largimi im nuk u be kryesisht per te poshteruar Berishen siç u be sot largimi i Nasip Naços dhe emerimi i Ministrit te ri, sepse ne vendin tim atehere erdhi vete Meta. Largimi im kishte te bente me interesa ekonomike.

Çim Peka: Pra kjo eshte e kunderta, largimi juaj nuk e poshteroi kryeministrin pasi erdhi vete zoti Meta.

Dritan Prifti: Erdhi vete zoti Meta, por kam pershtypjen se mori dhe nje konsensus nga zoti Berisha paraprakisht para se ta bente kete gje. Kurse me Ramen kam idene se nuk ka pas asnje bisede paraprake, vetem ja beri fakt te kryer, nje metode e stilit kercenues qe Ilir Meta ndjek shpeshhere ne politike.

Çim Peka: Zoti Prifti le te rrime pak tek ngjashmerite, u shprehet se kishte nje xhelozi te papritur ndaj zotit Meta ne drejtim te zotit Naço, i cili po bashkepunonte mire me kryeministrin Rama. Por keni bindjen se Nasip Naço si Minister Drejtesie i ka firmosur çfare ka dashur Ilir Meta dhe nuk i ka prishur ne asnje lloj rasti interesi. Ai i keni firmosur ju çfare ka dashur Ilir Meta dhe a i keni prishur interes?

Dritan Prifti: Une i kam prishur jashte mase shume interesa Ilir Metes. Sigurisht qe disa gjera edhe ja kam firmos, sigurisht ato gjera qe une mendoja se nuk binin ndesh me ligjin me konkurrencen me pjesemarrjen ne tendera. Pra ne qofte se diçka nuk prishte pune me legjislacionin une edhe e kam bere, sipas ndonje porosie te tij, kryesisht ndonje emerim, me shume se sa tendera apo koncesione. Por sigurisht qe une jam larguar, sepse une nuk kam firmosur gjera shume te rendesishme. Nje nga skandalet qe ka plasur sot, eshte skandali ÇEZ-DIA, mua me eshte kerkuar qe ti beja une leter ÇEZ-it qe ti propozoja DIA-n, por une nuk pranova dhe nje nga arsyet e largimit tim eshte edhe kjo. Une e kam denoncuar qe ne vitin 2011, kam qene i pari qe e kam denoncuar kete lloj afere, por mesa duket tani qe u vu Rama mbas publikimit te kesaj afere, kjo u be me e madhe, sepse kjo mori permase tjeter ne media.

Çim Peka: Zoti Prifti per rrethana te ndryshme nuk ju kam intervistuar qe nga momenti i videos se famshme Meta-Prifti, kur keni vendosur qe ta publikoni videon? Ose me sakte a kishit arritur nje konsensus apo nje pazar politik me Edi Ramen, ish-shefin e opozites perpara se ta publikonit kete video?

Dritan Prifti: Nuk kisha bere pazar por kisha nje konsensus me ate, ishte me shume se konsensus sepse ai ishte nxitesi kryesor dhe mbeshtetesi kryesor i publikimit te asaj videoje, se une pa mbeshtetjen e tij nuk do te gjeja forca qe ta beja ate lloj denoncimi.

Çim Peka: Çfare garancish ju ka dhene Edi Rama ne ate kohe ne kembim te publikimit te asaj videoje?

Dritan Prifti: Me kishte dhene garancine e mbeshtetjes se opozites per aktin tim te guximshem. Sigurisht qe me ka dhene premtime se do te jem deputet i Partise Socialiste, dhe gjera te tjera si keto. Por per momentin ai ishte thjeshte nje kryetar opozite dhe me ka dhene garancine qe opozita do te jete ne krahun tim per kete akt qe une ndermora.

Çim Peka: Çfare mendoni se e detyroi Edi Ramen qe mos ju fuste ne listen e PS?

Dritan Prifti: E kam thene dhe here tjeter pazari me Ilir Meten, largimi im nga parlamenti ishte kushti numer nje i bashkimit te tyre. Sigurisht qe ata u bashkuan bashke dhe une dola pjesa me e parendesishme.

Çim Peka: Meqenese kaluam tek raportet tuaja me ish-kryetarin e opozites, kur e keni kontaktuar per here te fundit zotin Rama?

Dritan Prifti: Nuk e mbaj mend te them te drejten

Çim Peka: Behet fjale per muaj apo per vite?

Dritan Prifti: Behet fjale per shume muaj jo vite, mbase pak me shume se nje vit, pasi mbas berjes se tij kryeminister kam pas disa kontakte te thjeshta.

Çim Peka: Po me Ilir Meten?

Dritan Prifti: Me Ilir Meten kane qene para zgjedhjeve te 2013, me korriere dhe me ndermjetes kemi pas kontakte mbase dhe pak jave me perpara por jo te drejtperdrejta.

Çim Peka: Keni pasur kontakte me korriere pak jave me perpara, çfare mund te bisedonit ju me Ilir Meten?

Dritan Prifti: Keto jane gjera qe ndodhin. Ne kemi goxha miq te perbashket, per shkak te nje historie 10 vjeçare bashkepunimi. Ka raste qe miqte e perbashket dergojne dhe mesazhe te perbashketa nga njera ane tek tjetra.

Çim Peka: Mesazhet jane mesazhe pajtimi apo ndonje gje tjeter?

Dritan Prifti: Jo absolutisht, mesazhet nuk jane miqesore. Jane mesazhe qe tip po ben kete une do te bej kete. Mesazhet me shume jane te nje natyre gallate se sat e ndonje natyre serioze.

Çim Peka: Nuk jane miqesore, sepse ne rast se ato jane kercenime sigurisht qe jane serioze?

Dritan Prifti: Jo nuk behet fjale per kercenime.

Çim Peka: Zoti Prifti ajo çfare perflitej shume te pakten neper qarqet mediatike se Ilir Meta mund te publikonte nje video e cila mund te cenonte moralin tuaj, po flasim ne aspektin moral jo korruptiv. Tashme eshte faktik i kryer, mediat jane njohur me disa foto nga nje video, te cilat i kane konsideruar edhe si afere seksuale. Gjithsesi pas publikimit te ketyre fotove, a ka gje tjeter qe Ilir Meta mund ta shantazhoje?

Dritan Prifti: Kjo ka qene me thene te drejten mjeti i fundit te cilin ai mund te perdorte ndaj Dritan priftit. I ka perdorur te gjitha llojet e mjeteve, duke me vene prokurorine mbi shpine, duke me vene zyren e tatimeve ne shpine, duke me vene Inspektoratin e Larte te Deklarimit te Pasurive, Drejtorine e Pastrimit te parave, te gjithe institucionet e shtetit te cilat kane pas mundesi qe te me benin keq mua ai i ka vene ne sherbim per te me bere keq. Por akti i fundit i publikimit te ketyre fotove ishte realisht gjeja e fundit qe ai dispononte ndaj Dritan Priftit dhe goditja e fundit qe ai mund ti bente Dritan Priftit. Kete radhe ne familje. Por siç edhe e kisha sqaruar edhe me pare, kjo ishte nje histori e cila ju takonte 5 vjeteve me pare dhe Ilir Meta ishte kujdesur vete, duke derguar njeri ne shtepine time duke ia dhene keto foto dhe bashkeshortes time, pra para 5 vjetesh dhe une periudhen e veshtire ne familje e kam kaluara atehere. Ne keto 5 vjet eshte gjetur gjuha eshte permiresuar marredhenia ai problem qe ndodhi para 5 vjetesh ne familje. Ne fakt situata ime familjare eshte shume e forte dhe mbas publikimit te fotove te fundit ishte bashkeshortja ime qe me tha se keto gjera nuk me shqetesojne se ata duan te demtojne familjen. Ata nuk e demtuan dot familjen atehere dhe nuk kane per ta demtuar dot asnjehere familjen me keto gjera. Pra shyqyr qe e bene sepse une brenda vetes kisha nje merak, pra neqoftese se do te vazhdoja te merresha me politike qendronte nje gje qe shqiptaret nuk e dinin per mua dhe kisha merakun qe çfare efekti do te kishte ajo ne publik. Mbas publikimit te tyre dhe kjo le te themi arme e fundit u ezaurua, une e pashe dhe reagimin e publikut, me shume denuan ata qe hyne kaq thelle ne jeten private te nje personi se sa gabimet qe une realisht kisha bere dhe nga nje ane shyqyr qe ndodhi sepse u ezaurua dhe kjo pjese.

Çim Peka: Pra kjo ishte ajo qe mund tu mbante peng, ose elementi i fundit qe ju mund te heshtnit?

Dritan Prifti: Nuk me kane mbajtur asnjehere peng sa per dijeni. Ma kane kujtuar kete sa here qe une kam pas ndonje perplasje me ata dhe une e kisha vendosur qe nuk do te isha kurre peng i kesaj gjeje. Mund te me kishin mbajt peng nese kjo situate nuk do te ishte marre vesh, mbase per hir te femijeve mbase mund te me kishin mbajtur peng, por i gjithe publiku e ka pare qe njuk me kane mbajtur dot peng.

Çim Peka: Edhe nje pyetje lidhur me kete pasi ju e sqaruar te gjithe, por ka nje aludim te madh se nga kush eshte bere ai filmim ai pergjim. eshte bere nga njerez te Ilir Metes apo eshte bere nga ju?

Dritan Prifti: Ai eshte bere nga njerez te Ilir Metes dhe une i di me emra dhe me mbiemra te gjithe ata njerez qe kane marre pjese ne kete skenar. Personi kryesor qe ka marre pjese ne kete skenar, sot eshte nje nga drejtoret me te medhenjte qe ka ne ndonje nga drejtorite me te medha kombetare te LSI-se. Pra i di me emra dhe mbiemra te gjithe ata dhe nuk me ka shpetuar asnje pjese e ketij skenari, por e perseris edh njehere kjo eshte nje histori e te shkuares qe une nuk do ti rikthehem me.

Çim Peka: Zoti Prifti ju e njihnin me mire se shumekush kreun e LSI-se zotin Ilir Meta. Le te themi me mire ju e njihni ne raport se si funksion zoti Meta politikisht. Ne gjykimin tuaj, zoti Meta per te arritur qellimet e tij politike, e ka me te lehte duke pasur Edi Ramen kryeminister si bashkepunetor apo duke pasur kryeminister Sali Berishen si bashkepunetor?

Dritan Prifti: Ilir Meta kur ka qene ne qeveri me Sali Berishen ka pasur te qarte nje gje, qe Sali Berisha nuk i prish marreveshjet. Pra vetem nese ai do te prishte marreveshjen sepse zoti Berisha nuk e prishte marreveshjen. Ne kete kuptim ka qene i qete, sepse ka pasur te qarte nje gje qe Sali Berisha nuk merrej me pergjime ndaj tij, me survejime me mbledhje dokumentesh mbrapa kraheve dhe ne kete kuptim perseri ai me Berishen ka qene i qete. Kurse me Ramen ndodh gje tjeter. Rama ka nevoje te dije dhe te ndjeke çdo gje qe ben ortaku i tij dhe per shkak te klimes mos besime pothuajse 15-16 apo 17 vjeçare mes atyre dy personave. Gjithashtu Berisha nuk bente asnjehere pazar me Meten qe kete tender e merr ti kete e marr une, nderkohe qe me Ramen ajo ndodh perdite. Ata e kane ndare pushtetin ata i kane ndare tenderat, i kane ndare interes ekonomike ndermjet njeri-tjetrit. Ministrat e Rames kane bere dosje pa fund per meten, per ministrat e LSI-se per anetaret e LSI-se, nderkohe qe me Berishen ka qene nje bashkeqeverisje e qete por jo me shume interes per te vjedhur, sepse Berisha nuk te hapte rruge per keshtu gjerash dhe nuk besoj se Meta guxonte ndonjehere qe te fliste balleperballe me Berishen per interesa ekonomike apo per tendera. Atehere ka qene i qete por nuk bente shume shume para, tani nuk eshte i qete por ben shume para.

Çim Peka: Pra ju po thoni se ne zyren e Sali Berishes si kryeminister, aleati Meta gjithmone ka qene i detyruar te flase parimisht. Ndersa ne zyren e Edi Rames eshte i lire te beje edhe pazare?

Dritan Prifti: Po. Ne zyren e Edi Rames eshte i lire te beje dhe pazare dhe kercenime. Kjo eshte gjuha behen pazare po nuk u gjet zgjidhje behet kercenimi i radhes. Pra ata te dy jane te destinuar te ndahen shume shpejt. Ka shkuar situata deri aty sa ata perdite punojne kunder njeri-tjetrit. Perdite po çojne material neper ambasada kunder njeri-tjetrit.

Çim Peka: Me shuaj nje kureshtje perpara se te publikonit videon me Ilir Meten ne zyren tuaj, sepse ka shume hipoteza. A e keni njoftuar Sali Berishen, a ja keni derguar videon ne zyre kryeministrit te kohes Sali Berisha?

Dritan Prifti: Berisha e ka pranuar vete faktin qe une ja kam çuar dhe ai nuk pranoi ta merrte.

Çim Peka: Çfare ju tha zoti Berisha?

Dritan Prifti: Çoje atje ku duhet, por jo tek une.

Çim Peka: Çoje atje ku duhet çfare kishte parasysh t’ia çonit Ilir Metes, apo ta çonit ne prokurori?

Dritan Prifti: Kjo eshte pyetje qe duhet sqaruar nga zoti Berisha. Por publikisht Berisha jo vetem ne nje rast ka thene qe ministri Prifti ma ka sjelle videon dhe une nuk kam pranuar ta marr.

Çim Peka: As ta shikoje?

Dritan Prifti: As ta shikoje.

Çim Peka: Domethene ju mendoni se Sali Berisha ose me sakte kryeministri i kohes, kete video e ka pare per here te pare kur eshte transmetuar?

Dritan Prifti: Them qe po, vetem nese Top Channel i cili kishte videon mund ta kete çuar me perpara se ta transmetoje. Ate video zoti Rama e ka pare para se te transmetohej, por nuk e ka pare njeri-tjeter.

Çim Peka: Pra kete video e ka pare vetem zoti Rama para se ajo te transmetohej?

Dritan Prifti: Po.

Çim Peka: Zoti Meta ne studion time eshte shprehur se ajo video eshte montuar ne Korfuz ne mos gaboj, nga Filip Çakulli dhe njerez te kryeministrit Rama, sigurisht duke u perfshire dhe materialet qe ju keni dhene? Por sipas zotit Meta kjo video eshte montuar ne Korfuz.

Dritan Prifti: Zoti Meta ne nje interviste te muajve te fundit ka thene se Dritan Prifti e ka çuar videon tek Top Channel te paprekur pra origjinale dhe Filip Çakulli ka futur duart ne ate dhe e ka manipuluar.

Çim Peka: Kete gje e ka thene edhe tek studioja ime, sipas tij montazhi eshte bere ne Korfuz?

Dritan Prifti: Pra nuk e paskam bere une manipulimin, por kete gje e ka bere televizioni. Une dua te konfirmoj kete gje se ajo qe kam dorezuar une eshte pasqyruar e paprere nga televizioni Top-Channel. Aty nuk ka pas asnjehere asnje manipulim. Ju e dini qe ka pas eksperte amerikane qe e kane konfirmuar qe s’ka pas asnje manipulim. Kurse ekspertet e Metes nxoren qe degjohet kaq e degjohet aq dhe nese ju doni skupe gazetareske ndiqni rrugen se ku jane sot ne pune ata ekspertet e Metes. Ata ekspertet e pavarur ne Gjykate ku punojne sot.

Çim Peka: Jane te gjithe te punesuar?

Dritan Prifti: Ndiqeni rrugen dhe do merrni vesh se jane te punesuar aty ku s’do ti kishte çuar dot askush.

Çim Peka: Zoti Prifti te ulesh ne tavoline me gazetare, po flas me ata qe sot pretendojne se bejne opinion berjen ne kete vend, ne moment qe perdoret emri juaj qe te gjithe e besojne se ka nje video tjeter ndaj nje personazhi tjeter politik te rendesishem ne kete vend. Une kam dy pyetje mjaft konkrete. Ne momentin qe keni pranuar te bashkepunoni me Edi ramen, pasi ne ate kohe luheshin shume gjera, sigurisht qe sipas tyre qe keni thene edhe jeta juaj. A keni video per Edi Ramen, dhe a keni me video per Ilir Meten?

Dritan Prifti: Nuk kam as per Edi Ramen dhe as per Ilir Meten dh as per ndonje personazh tjeter.

Çim Peka: Po per djalin e ish-kryeministrit?

Dritan Prifti: Per asnje personazh tjeter, asnjehere nuk kam pergjuar person tjeter. Une kam pas gjithsej 3 video dhe te tre-ja ato tashme jane bere publike. Asnje nga to nuk ka mbetur pa u publikuar. Nuk ekziston asnje gje tjeter.

Çim Peka: Pra kasaforta e Dritan Priftit nuk ka me asnje video?

Dritan Prifti: Po ju them tek emisioni juaj per here te pare dhe te fundit qe nuk ekziston me asnje video. Thashe kane qene vetem 3, pavaresisht qe ne ate periudhe shume vetave ju interesonte qe te dukeshin shume, ishin per kete ishin per ate, por kane qene vetem ato te tre-ja sepse mua me interesonte ne ate kohe vetem Ilir Meta askush tjeter.

Çim Peka: Gjithsesi zoti Meta kur i kerkohej doreheqja ne rastin e akuzes se Tom Doshit, kur ju kerkua doreheqja nga Sali Berisha ne parlament u shpreh se e kam dhene njehere doreheqjen per Shkelzen Berishen nuk e jap me duke thene se Dritan Prifti ka pergjuar edhe djalin e ish- kryeministrit, ne nje afere me ndoshta me njerez te Ilir Metes? Realisht a ka pasur ndonje pergjim ose tentative, meqe po thoni se nuk ka me video?

Dritan Prifti: Sapo u pergjigja nuk ka asnje lloj pergjimi me asnje person tjeter perveç atyre qe deri me sot jane botuar. Une mund te kem reputacion per shume gjera por kam dhe reputacionin qe nuk genjej, s’ka nuk ekziston asnje gje tjeter veç atyre qe jane bere publike.

Çim Peka: Zoti Prifti, tani le ti kthehemi pak çeshtjes politike te dites: A mendoni se pas doreheqjes se zotit Naço mund te kete edhe doreheqje te tjera nga ministrat e LSI-se? Dje eshte folur shume per nje doreheqje te mundshme te Klajda Gjoshes. Ne fakt ne kemi nje vendim te kryesise se LSI-se, ose me sakte nje konfirmim gojorte kryesise ne shtator, se ne vend te zonjes Gjosha do te shkonte zoti Haxhinasto, zoti Naço do te ikte dhe ne vend te Haxhinastos do te shkonte ne mos gaboj nje i afert i zotit Meta, i cili nuk e di se çfare funksioni ka sot. A mendoni se do te kete te tjera doreheqje nga ministrat e LSI-se?

Dritan Prifti: Çdo gje eshte e mundur, goditja qe mori Nasipi mund te shoqerohet edhe nga ndonje goditje ndaj Haxhinastos, sepse siç ju e dini vajza e Haxhinastos eshte fejuar me djalin e Nasip Naços dhe ata pothuajse rrine çdo dite bashke tashme, dhe zoti Meta nuk besoj se e kaperdin dot faktin se mund te jete me afer Nasipi, Haxhinastos. Ekzistojne fakte te tmerrshme per disa ministra te LSI-se, fakte korruptive perfshire dhe Haxhinaston edhe ministra te tjere te LSI-se dhe ne momentin qe ato do behen publike, besoj se Meta do ti dorezoje menjehere. Pavaresisht se ata i kane bere keto gjera per Ilir meten, por ai eshte ai njeri qe do te sakrifikonte gjithçka ne qofte se e sheh se eshte duke ardhur vala edhe ne drejtim te tij. Çdo gje eshte e mundur, une besoj se per sa i perket Gjoshes eshte e vertete qe eshte marre nje aprovim paraprak ne kryesi per keto levizjet, flitet per nje kusheri te Ilir Metes qe mesa di une eshte Dael Dervishi, drejtor i AKBN-se, per tu pozicionuar ne pozicion ministri dhe flitet per keto largimet qe ju i permendet qe jane biseda te bera ne kryesine e LSI-se, per te cilat dhe une kam informacionet e mia, çdo gje mund te ndodhe. Ai mund ta provokoje kete, ne rast se do ti aprovohet nje minister dhe ne rast se mbas dy javesh do te kete serish nje mosmarreveshje per nje tender apo nje koncension me Edi Ramen, mund te provokohet nje doreheqje e nje ministri tjeter per ti thene Rames qe je nen kontrollin tim hap rrugen ose do te te rrezoj. Pra kjo eshte nje marredhenie poshteruese mes atyre te dyve, kjo eshte nje marredhenie shantazhi..

Çim Peka: A ka realisht mundesi Ilir Meta ta rrezoje Edi Ramen?

Dritan Prifti: Mund ta rrezoje menjehere.

Çim Peka: I ka mundesite?

Dritan Prifti: Une mendoj qe ne keto kushte Ilir Meta, Edi Ramen mund ta rrezoje ne seancen me te afert plenare, pas asnje lloj problem. Ose duke u rakorduar me Berishen, mundesi e cila une besoj se sot ekziston. Mund ta lidhim dhe me viziten e Metes ne Amerike, e cila eshte sponsorizuar nga miqte e Berishes, pra me leket e miqve te Berishes. Pra mes Berishes dhe Metes ka tashme nje afrim ka le te them i nje aleance fluide siç jemi mesuar ne te themi. Pra ne keto kushte Meta, Ramen mund ta rrezoje menjehere, pra ne seancen me te afert te parlamentit. E vetmja menyre qe nuk e rrezon dot eshte qe Rama ta godase Meten ligjerisht me provat qe ka. Une po ju them qe te pakten ne Ministrine e Brendshme jane dy dosje te ardhura nga partner te huaj, nga qeveri te huaja per Ilir Meten, te cilat nese publikohen nuk ka asnje shans qe ai te jete me i lire. Pra i vetmi shans i Rames eshte qe ta godase ta fuse ne burg dhe te gjithe ata qe ka deputete LSI-ja s’do te shkojne Brenda dites tek PS-ja. eshte e vetmja menyre qe qeveria e Rames nuk bie, ndryshe ajo deri ne fund do te jete e shantazhuar.

Çim Peka: Zoti Prifti per te qendruar bashke te gjitha keto fakte dhe pretendime, ne rast se zoti Rama i ka te gjitha keto mundesi perse nuk e ben sipas jush?

Dritan Prifti: Ose mendoj se eshte edhe ai vete peng per disa arsye ose perpiqet qe te shmangi zgjedhjet e parakohshme dhe te shtoje ditet e tij ne qeveri sat e jete e mundur. Une per vete nuk do te merrja guximin qe aleate apo qeveri te huaja te dorezonin dosje te qepura nga ana kriminale per aleatin ne qeveri dhe une te prisja nje dite pa vepruar. Zoti Rama me pritjen qe ben thjeshte rendon poziten e vetes se vet.

Çim Peka: Megjithate vizita e zotit Meta ne SHBA duket se e pastroi disi figuren e tij per sa i perket asaj qe perceptohej dhe ajo qe zoti Rama mundohej ta nxiste ne opinion idene qe Ilir Meta ka nje izolim nderkombetar. Zoti Meta ishte ne Uashington, zoti Rama akoma nuk ka udhetuar per ne Uashington dhe akoma nuk ka takuar asnje zyrtarisht ne Uashington?

Dritan Prifti: Uashingtoni nuk ka ftuar zyrtarisht as Ramen dhe as Meten. Pra dhe vizita e Rames ne SHBA pasi ishte i ftuar ne mbledhjen e OKB-se dhe beri disa vizita ne Amerike ishte zyrtare vetem sa i perket aspektit te Kombeve te Bashkuara dhe vizita e Metes nuk kishte asnje gje zyrtare brenda saj. Pra ishte nje vizite private e cila u sigurua me leke. Ju gazetaret investigative nxirrni vetem faktin se kush e shoqeroi Meten per ne Amerike ta kuptoni se kush e pagoi viziten per ne Amerike. Jane lobet e naftes ne Shqiperi, qe sot jane duke e shkaterruar kete vend dhe bejne evazionin me te madh fiskal te te gjitha koherave ne kete vend qe sponsorizuan viziten ne Amerike. Po e them dhe njehere ajo ishte nje vizite private, nuk ka asgje shteterore aty. Ilir Meta ne Amerike nuk ka pasur asnje vizite shteteror, shikojeni te gjitha kronikat.

Çim Peka: Nje vizite private thoni ju, por ai u prit nga kryetari i Dhomes se Kongresit?

Dritan Prifti: Absolutisht ai ne takim nuk eshte pritur zyrtarisht, pasi ne asnje takim nuk ishin flamuret e te dy vendeve siç eshte protokolli i dy vendeve atje. Ai ne kongres dhe ne senat ka qendruar ne korridor dhe shikonte kush kongresmen afrohej per ta takuar dhe per te bere nje foto. Pra ishte nje vizite qesharake per hir te se vertetes. Po e them dhe nje here nuk kishte asgje zyrtare atje.

Çim Peka: Parashikohen zgjedhje te parakohshme apo nje bashkeqeverisje Rama-Meta deri ne fund te 2017-s?

Dritan Prifti: Bashkeqeverisja per mendimin tim eshte pothuajse e pamundur ne kushte qe jemi. Bashkeqeverisja eshte ne dem te ketij vendi, sepse me keq se sot nuk ka qene asnjehere ekonomia e ketij vendi. Po te shohesh fshatin ose ekonomine e ketij vendi, situate eshte se njerezit po vuajne per buken e gojes. Une them qe ne pranvere do te kemi zgjedhje te parakohshme, nese nuk do ti kemi me perpara. Une them se nese do te shkojme ne zgjedhje te parakohshme eshte favori i Edi Rames sepse ai perseri ka shanse ti fitoje zgjedhjet, e para Meta eshte jashte mase i konsumuar, e dyta eshte shume e afert memoria e qeverise se PD-se, njerezit nuk jane shkeputur ende nga episode e keqqeverisjes se PD-se, dy vjet e pak kane kaluar. Me karten e largimit te Metes, Rama mund ti fitoje serish zgjedhjet. Me çdo skenar une besoj se zgjedhjet e parakohshme nuk do te jene me larg se marsi apo prilli i vitit qe vjen.

Çim Peka: Zoti Prifti ju faleminderit!